Litva hökuməti istefa verib. LRT-nin məlumatına görə, ölkənin 20-ci hökuməti son iclasını keçirib və bütün nazirlər yekdilliklə istefa qərarını dəstəkləyiblər.
Baş nazir İnqa Ruqiniene hökumətin səlahiyyətlərinin dövlət başçısına qaytarılması barədə qərar qəbul edildiyini bəyan edib.
O, mövcud çətinliklərə baxmayaraq, Nazirlər Kabinetinin fəaliyyəti dövründə bir çox uğura imza atdığını vurğulayıb.
Mövcud qanunvericiliyə əsasən, hökumətin istefasından sonra Litva prezidentinin yeni Baş nazir postuna namizəd irəli sürmək üçün 15 gün vaxtı var. Təqdim edilən namizəd daha sonra parlament tərəfindən təsdiqlənməlidir.