Azərbaycanın Baş naziri Əli Əsədov Qətərin Bakıdakı diplomatik nümayəndəliyini ziyarət edərək, bu ölkənin keçmiş lideri, Ata Əmir Şeyx Həməd bin Xəlifə Al Taninin vəfatı ilə əlaqədar başsağlığı verib.
Baş nazir başsağlığı kitabına ürək sözlərini yazaraq Qətər xalqına, eləcə də ölkə rəhbərliyinə dərin hüznlə başsağlığı və həmrəylik mesajını çatdırıb.
Səfər çərçivəsində Əli Əsədov Qətərin Azərbaycandakı səfiri ilə də görüşüb. Görüş zamanı o, baş vermiş ağır itki ilə bağlı dərin kədərini ifadə edib.
Bundan əlavə, Baş nazir iyulun 13-də Dünya Gömrük Təşkilatının baş katibi İan Saunders ilə görüş keçirib. Görüşdə Azərbaycan ilə Dünya Gömrük Təşkilatı arasında əməkdaşlığın cari vəziyyəti və gələcək inkişaf perspektivləri ətrafında fikir mübadiləsi aparılıb.
