Azərbaycan Ordusunda şəxsi heyətin peşəkarlıq hazırlığı səviyyəsinin qiymətləndirilməsi üzrə imtahanlar başlayıb. Tədbirlər hərbi qulluqçuların peşəkarlıq səviyyəsinin müəyyən edilməsi məqsədilə Azərbaycanın müdafiə naziri tərəfindən təsdiq edilmiş cari il üçün döyüş hazırlığı planına uyğun olaraq keçirilir.
Müdafiə Nazirliyindən bildirilib ki, imtahanlar zamanı hərbi qulluqçular ixtisas və fiziki hazırlıq üzrə qiymətləndirilir, həmçinin onların hərbi vəzifələri ilə bağlı nəzəri bilikləri və praktiki vərdişləri yoxlanılır.
Yoxlamaların keçirilməsində əsas vəzifələr şəxsi heyətin peşəkarlığının artırılması, hərbi qulluqçuların bilik və bacarıqlarının qiymətləndirilməsi, həmçinin ümumi döyüş hazırlığı səviyyəsinin daha da təkmilləşdirilməsidir.
Mənbə: Jnews.az