İsrail Müdafiə Qüvvələri (SAXAL) son aylar ərzində Livanın cənubunda keçirilən əməliyyatlar nəticəsində “Hizbullah” qruplaşmasına məxsus minlərlə hərbi obyektin aşkar edildiyini bəyan edib.
Ordunun yaydığı məlumata görə, tapılan obyektlər arasında komanda məntəqələri, yaşayış binalarında yerləşən hərbi mövqelər, raket buraxılış nöqtələri, müşahidə postları, yeraltı tunellər və böyük həcmdə silah-sursat anbarları mövcuddur.
İsrail ordusu bildirib ki, qruplaşma uzun illər ərzində hərbi infrastrukturunu Livanın cənubundakı mülki ərazilərdə yerləşdirərək geniş əməliyyat şəbəkəsi yaradıb.
SAXAL: Hizbullah hərbi fəaliyyətləri üçün strateji əhəmiyyət daşıyan obyektləri yaşayış məntəqələrinin daxilində qurmaqla mülki əhalidən sipər kimi istifadə edib və bununla da Livan vətəndaşlarının həyatını təhlükə altına atıb.
SAXAL-ın məlumatına görə, həyata keçirilən əməliyyatların əsas məqsədi İsrailin şimal bölgələrində yaşayan mülki əhaliyə yönəlmiş təhlükələrin qarşısını almaqdır.