Misir vətəndaşı Daliya Ziyadə 7 oktyabr 2023-cü ildən sonra HƏMAS-ın əməllərini açıq şəkildə tənqid etdikdən sonra ölkədən qaçmaq məcburiyyətində qalıb. Bu barədə “Israel Hayom” nəşri məlumat verib. Qadın qruplaşmanın İsrailə hücumunu pisləyib və ölkənin özünümüdafiə hüququnu dəstəkləyib.
Açıq bəyanatlarından sonra D. Ziyadəyə qarşı məhkəmə təqibi başladılıb. Hökumətyönlü hüquqşünaslar onun “Mossad” agenti olduğunu iddia edən iddialar qaldırıblar. Həmçinin, misirli qadının evinə basqın edilib, lakin D. Ziyadə həmin an evdə olmayıb. Bundan sonra Daliya Ziyadə evini, işini və yaxınlarını tərk edərək Misirdən getməli olub.
İdeoloji fikir ayrılıqları və hicabdan imtina
Daliya Ziyadə İsrailin mövcudluq hüququnu dəstəkləyən və HƏMAS-ın da aid olduğu “Müsəlman Qardaşlar” hərəkatına qarşı çıxan liberal demokratiya tərəfdarı kimi tanınır. O iddia edir ki, Misir prezidenti Əbdülfəttah əs-Sisi “Müsəlman Qardaşlar”la ideoloji səbəblərə görə deyil, yalnız onların onun hakimiyyətinə təşkilatlanmış təhdid yaratdıqlarına görə mübarizə aparır.
Misirli qadın həmçinin özünü müsəlman hesab etməyə davam etsə də, hicab taxmaqdan imtina etmək qərarına gəldiyini bildirib. Onun sözlərinə görə, bu addıma HƏMAS tərəfindən Bibas ailəsinin qalıqlarının təhvil verilməsi mərasiminin kadrları təsir edib.
Mənbə: newsru.co.il