ABŞ Prezidenti Donald Tramp ölkənin sursat ehtiyatları ilə bağlı yayılan məlumatlara münasibət bildirib.
Tramp qeyd edib ki, ABŞ müdafiə sənayesi daha çox sursat istehsal etmək məqsədilə yeni zavod və istehsal müəssisələri inşa edir.
Onun sözlərinə görə, hazırda ölkədə sursat istehsalı üçün ABŞ tarixində ən genişmiqyaslı istehsal infrastrukturu formalaşdırılır.
“Bu xəyanət xarakterli məlumatları mediaya sızdıran şəxslər müəyyən edilir və məsuliyyətə cəlb olunacaqlar”, – deyə Tramp vurğulayıb.
Prezidentin açıqlaması ABŞ-ın sursat ehtiyatlarının səviyyəsi və hərbi imkanları ilə bağlı mediada yayılan xəbərlər fonunda səsləndirilib.
