Gürcüstanda enerji sistemindəki nasazlıqların aradan qaldırılması işləri başa çatıb. Bütün ölkə üzrə istehlakçılara elektrik enerjisinin verilməsi tam bərpa edilib. Bu barədə Gürcüstan Dövlət Elektrosisteminin mətbuat xidməti məlumat yayıb.
Qurumun məlumatına görə, təchizat prosesi tam həcmdə bərpa olunub və hazırda ölkədə işıqsız qalan heç bir abunəçi yoxdur. Vurğulanıb ki, bütün strateji və həyati əhəmiyyətli obyektlər, eləcə də müəssisələr gücləndirilmiş rejimdə fəaliyyətini davam etdirir.
Qeyd edək ki, genişmiqyaslı elektrik kəsintisi avqustun 5-də baş verib. Saat 20:10-dan başlayaraq paytaxt Tbilisi də daxil olmaqla ölkə regionlarının böyük hissəsi işıqsız qalıb.
Mənbə: news.day.az