“Azəricard” Prosessinq Mərkəzi iyunun 24-də bəzi müştərilərin bank kartı hesablarında üzləşdiyi problemlərlə bağlı rəsmi məlumat yayıb.
Mərkəzin açıqlamasına görə, problem banklararası hesablaşma sənədlərinin emalı prosesində baş verən texniki təkrarlanmalar nəticəsində yaranıb. Qurum qeyd edib ki, nasazlığın səbəbi “Azərikard”dan asılı olmayıb.
Hazırda təkrarlanmış əməliyyatların ləğvi istiqamətində iş aparıldığı və kart hesablarının mərhələli şəkildə bərpa edildiyi bildirilir.
Məsələ yaxın zamanlarda tam həllini tapacaq.