Suriyanın şimal-qərbində həyata keçirilən hava əməliyyatı nəticəsində İŞİD-in yüksək rütbəli rəhbərlərindən biri zərərsizləşdirilib.
Bu barədə ABŞ Mərkəzi Komandanlığının (CENTCOM) “X” platformasındakı hesablnda paylaşım edilib.
Məlumatda qeyd olunur ki, iyunun 19-da keçirilən dəqiq hava zərbəsi zamanı Əli Hüseyn əl-Üləvi öldürülüb.
CENTCOM bildirib ki, sözügedən əməliyyat ABŞ vətəndaşlarına və ölkə ərazisinə qarşı hücumlar hazırlayan terrorçuların fəaliyyətinin qarşısının alınması və onların məhv edilməsi istiqamətində davam etdirilən tədbirlərin tərkib hissəsidir.
Açıqlamada həmçinin vurğulanıb ki, ABŞ qüvvələri regional tərəfdaşları ilə koordinasiyalı şəkildə İŞİD qruplaşmasının qalan üzvlərinə qarşı əməliyyatlarını davam etdirir.