Bu il müharibənin başlanmasından sonra İranın İsrailə qarşı həyata keçirdiyi kiberhücumların sayı kəskin şəkildə artıb.
Bu barədə İsrailin Milli Kibertəhlükəsizlik İdarəsinin rəhbəri Yosi Karadi Almaniyanın “Die Welt” qəzetinə müsahibəsində bildirib.
Onun sözlərinə görə, 2025-ci ilin iyununda keçirilən "Xalq şir kimi" əməliyyatı zamanı təxminən 1600 düşmən kiberinsidenti qeydə alınıb. 2026-cı ilin fevral-aprel aylarında baş tutan "Şirin nəriltisi" əməliyyatı dövründə isə bu göstərici təxminən 4800-ə yüksəlib.
Karadi qeyd edib ki, hücumlar İsrailin kritik əhəmiyyətli infrastrukturunu, iri təşkilatları, kiçik və orta sahibkarlıq subyektlərini, eləcə də geniş ictimaiyyəti hədəf alıb.
Milli Kibertəhlükəsizlik İdarəsinin rəhbəri vurğulayıb ki, İranın kiberməkandakı fəaliyyəti artıq hərbi və diplomatik qarşıdurma ilə yanaşı, İsraillə qarşıdurmanın daimi elementlərindən birinə çevrilib.