İsrail təhlükəsizlik qüvvələri gecə saatlarında İordan çayının qərb sahilində keçirdikləri əməliyyat zamanı Ümumi Təhlükəsizlik Xidmətinin (ŞABAK) əldə etdiyi kəşfiyyat məlumatı əsasında partlayıcı qurğular hazırlamaqda şübhəli bilinən iki nəfəri saxlayıblar.
Məlumata görə, şübhəlilər bölgədə fəaliyyət göstərən İsrail ordusunun hərbçilərinə qarşı istifadə olunması nəzərdə tutulan partlayıcı qurğular hazırlayıblar.
Əməliyyat zamanı silah alveri ilə məşğul olduğu bildirilən daha bir şəxs də saxlanılıb. Onun üzərindən və yaşadığı ünvandan çoxlu sayda silah aşkarlanıb.
Saxlanılanların hamısı araşdırmanın davam etdirilməsi üçün İsrail təhlükəsizlik orqanlarına təhvil verilib.
Məlumatı İsrail Ordusunun mətbuat xidməti yayıb.
