Yenilənib: Avqust 13, 2026 4:27 axşam
İsrail Amerika Birləşmiş Ştatlarından gətirilən minlərlə ton hərbi texnika və silahın növbəti partiyasını qəbul edib. İsrail Müdafiə Nazirliyinin məlumatına görə, hərbi yükü daşıyan gəminin Hayfa limanında boşaldılması prosesi tam başa çatdırılıb.
Gəmidən İsrail ordusunun istifadəsi üçün nəzərdə tutulmuş müxtəlif hərbi texnikalar, o cümlədən D9 buldozerləri, “Hummer” avtomobilləri, JLTV zirehli nəqliyyat vasitələri və “Oshkosh” ağır yük maşınları endirilib. Bununla yanaşı, ölkəyə çoxlu sayda digər hərbi təchizat və avadanlığın da gətirildiyi bildirilir.
Müdafiə Nazirliyi bəyan edib ki, ölkəyə çatdırılan yeni texnika və hərbi avadanlıqlar İsrail ordusunun quru qoşunlarının döyüş qabiliyyətinin, eləcə də əməliyyat hazırlığının yüksəldilməsinə xidmət edəcək.
