İsrail ordusunun Baş Qərargah rəisi, general-leytenant Eyal Zamir Livanla əldə edilmiş sazişi “tarixi və mühüm” bir nailiyyət kimi dəyərləndirib.
“The Times of Israel” nəşrinin məlunatıba görə, E. Zamir bu diplomatik irəliləyişin son aylarda ordunun hərbi uğurları sayəsində mümkün olduğunu bildirib. O, hərbi qələbələrin siyasi rəhbərliyin diplomatik razılaşmaya getməsi üçün zəmin yaratdığını vurğulayıb.
General-leytenant həmçinin qeyd edib ki, İsrail ordusu mövcud təhlükəsizlik üstünlüyünü qoruyacaq və lazım gələrsə, fəaliyyətini davam etdirməyə tam hazırdır:
Hərbçilər ölkənin təhlükəsizliyini təmin etmək üçün bütün cəbhələrdə yüksək döyüş hazırlığı vəziyyətini saxlayırlar.