İsrail ordusu Livanın cənubunda yerləşən təhlükəsizlik zonasındakı Məcdəl Zun kəndində aşkarlanan "Hizbullah"a məxsus yeraltı tuneli məhv etdiyini açıqlayıb.
Ordunun məlumatına görə, söhbət İranın texnologiya və mühəndislik biliklərindən istifadə edilməklə inşa olunmuş yeraltı kompleksdən gedir. Uzunluğu 200 metrdən artıq, dərinliyi isə 25 metrdən çox olan tuneldə yüzlərlə sursat, həmçinin İsrail istiqamətinə yönəldilmiş dörd raket buraxılış qurğusu aşkar edilib.
"İsrail ordusu "Hizbullah" terror təşkilatının İsrail vətəndaşlarına və hərbi qüvvələrinə zərər vurmasına imkan verməyəcək", – İsrail ordusundan bildirilib.