Türkiyənin Mersin vilayətində yerləşən beynəlxalq limanda kimyəvi maddə sızması baş verib. Hadisə nəticəsində 35 nəfər xəsarət alıb.
Jnews.az xəbər verir ki, Mersin Valiliyinin məlumatına görə, hadisə ötən gecə limanın beynəlxalq zonasında qeydə alınıb.
Sızan maddənin etilakrilat olduğu müəyyən edilib. Etilakrilat rəngsiz, kəskin qoxulu mayedir və polimerlərin istehsalında xammal kimi istifadə olunur.
Hadisənin səbəbləri və xəsarət alan şəxslərin vəziyyəti ilə bağlı əlavə məlumat açıqlanmayıb.
