İyulun 20-nə keçən gecə Rusiya ordusu Ukraynaya növbəti kütləvi hava hücumu həyata keçirib.
Ukrayna Hərbi Hava Qüvvələrinin yaydığı məlumata görə, hücum zamanı 94 müxtəlif tipli pilotsuz uçuş aparatı (PUA) və iki ədəd X-59/69 idarəolunan raketdən istifadə olunub.
Bildirilib ki, raketlər Rusiyanın işğalı altında olan Krım ərazisindən buraxılıb. Pilotsuz uçuş aparatları isə Rusiyanın Kursk, Millerovo və Oryol istiqamətlərindən, həmçinin işğal altındakı Donetsk vilayəti və Krımdan havaya qaldırılıb.
Ukrayna tərəfinin məlumatına görə, hücum zamanı “Shahed” tipli kamikadze dronlardan, reaktiv pilotsuz uçuş aparatlarından və digər zərbə vasitələrindən istifadə edilib.
Ukrayna hərbçiləri hücumun nəticələri və hava hücumundan müdafiə sistemlərinin fəaliyyəti ilə bağlı əlavə məlumat verməyiblər.