İsrail Müdafiə Qüvvələri (SAXAL) Qəzza zolağında gecə saatlarında keçirilən əməliyyat nəticəsində dörd raket buraxılış qurğusunu məhv etdiyini açıqlayıb.
Ordunun mətbuat xidmətinin məlumatına görə, zərbələr anklavın müxtəlif bölgələrinə endirilib. Məhv edilən qurğuların atəşkəs rejiminin qüvvəyə minməsindən sonra Qəzzadakı terror təşkilatları tərəfindən hazırlandığı iddia edilir.
SAXAL-ın bəyanatında vurğulanır ki, həmin qurğular İsrail hərbçilərinə və mülki əhaliyə qarşı raket zərbələri endirmək üçün hazır vəziyyətə gətirilib. Bu səbəbdən onlar birbaşa təhlükə mənbəyi hesab olunub.
Əməliyyatın məqsədinin İsrail vətəndaşlarının təhlükəsizliyini təmin etmək və mümkün hücumların qarşısını almaq olduğu bildirilir.