Amerika Birləşmiş Ştatları yeni raketdən müdafiə (RM) sistemi olan "Qızıl Günbəz"in ilk uğurlu sınağını keçirib. Bu barədə Pentaqon rəhbəri Pit Heqset özünün X sosial şəbəkə səhifəsində məlumat verib.
Bu gün "Qızıl Günbəz"in ilk nəzarət sınağı tam uğurla başa çatdı.
Heqsetin sözlərinə görə, dinamik avtonom müdafiə sistemi qüsursuz işləyib. O, bir neçə yaxınlaşan hədəfi izləmə, tutma və məhv etmə tapşırıqlarını uğurla yerinə yetirib.
Daha əvvəl ABŞ müdafiə idarəsinin rəhbəri bildirmişdi ki, "Qızıl Günbəz" kosmosa yerləşdirilmiş silah sistemlərini əhatə edəcək. O, inkişaf etdirilən kompleksi silah və sensorlardan ibarət "inqilabi qalxan" kimi xarakterizə etmişdi.