Çin kosmik proqramı çərçivəsində sayca 55-ci buraxılışı uğurla başa vuraraq “Dongfang Huiyan HyperSpectral-01” və “Dongfang Huiyan HyperSpectral-02” peyklərini orbitə çıxarıb.
Peyklər Şandun əyalətinin Hayyan şəhəri yaxınlığında yerləşən dəniz buraxılış platformasından “Jielong-3” daşıyıcı raketi vasitəsilə orbitə göndərilib.
Bu, “Jielong-3” raketinin sayca 12-ci uğurlu uçuşu olub. Mütəxəssislərin fikrincə, bu göstərici Çinin müntəzəm və etibarlı kosmik missiyalar həyata keçirmək imkanlarının sürətlə genişləndiyini nümayiş etdirir.
Son buraxılış Çinin kosmik proqramının dinamik inkişaf etdiyini və ölkənin orbitə peyk çıxarma sahəsində imkanlarını davamlı şəkildə artırdığını bir daha təsdiqləyir.