Yenilənib: Sentyabr 4, 2026 12:16 axşam
Bakıda yerləşən LANDAU School-da birinci sinif şagirdləri üçün ilk dərs günü keçirilib. Tədbir məktəbin həm Azərbaycan, həm də rus bölmələrini əhatə edib.
Jnews.az xəbər verir ki, məktəb həyatına ilk addımlarını atan şagirdlər tədris mühiti ilə tanış olub, müəllimləri və sinif yoldaşları ilə görüşüblər. Rəhbərlik qeyd edib ki, bu gün şagirdlərin yeni tədris mərhələsinə motivasiya ilə başlaması və məktəb mühitinə uyğunlaşması baxımından əlamətdar olub.
LANDAU School-da tədris prosesi Azərbaycan, rus və ingilis dillərində aparılır. Məktəbdə müasir təhsil metodlarından, o cümlədən STEM əsaslı metodologiyadan istifadə olunur. Tədris proqramı yaradıcı problem həlli və şagirdlərin müxtəlif bacarıqlarının inkişafına yönəlmiş yanaşmaları əhatə edir.
İbtidai təhsil mərhələsində məktəbin əsas məqsədi şagirdlər üçün onların özlərini dəyərli hiss etdiyi, öyrənməyə maraq göstərdiyi və inkişaf etdiyi bir təhsil mühiti yaratmaqdır.
