Yenilənib: Avqust 13, 2026 12:47 axşam
İsrailli müğənni və aktyor İdan Amedi iki illik fasilədən sonra “Karov” (“Yaxın”) adlı yeni kamera proqramı ilə səhnəyə qayıdır. Yeni proqram çərçivəsində ilk çıxışların sentyabr ayında Təl-Əvivdəki Expo teatrında keçirilməsi planlaşdırılır.
İ. Amedi yeni proqramında böyük səhnə qurğularından, ekranlardan və mürəkkəb işıqlandırmadan tamamilə imtina edib. Çıxışlar onun mahnıları, gitara və fortepianonun minimalist müşayiəti üzərində qurulacaq.
Sənətçinin səhnə fəaliyyətinə qayıdışı uzunmüddətli müalicə və reabilitasiya prosesindən sonra baş tutub. İ. Amedi 7 oktyabr 2023-cü ildə HƏMAS-ın İsrailə hücumundan sonra ehtiyatda olan zabit kimi hərbi xidmətə çağırılıb.
8 yanvar 2024-cü ildə o, Qəzza zolağında raket istehsalında istifadə olunan yeraltı obyektin məhv edilməsinə hazırlıq zamanı ağır yaralanıb.
“Fauda” serialı ilə tanındı
İdan Amedi 19 fevral 1988-ci ildə Yerusəlimdə anadan olub. O, İsraildə məşhurluq qazanmasını 2010-cu ildə “Koxav Nolad” televiziya şousunda iştirakına borcludur.
Sənətçiyə beynəlxalq populyarlıq gətirən əsas layihə isə “Fauda” serialı olub. İ. Amedi ekran əsərində Saqi Tsur obrazını canlandırıb.
Mənbə: newsru.co.il
