Bəhreynin Daxili İşlər Nazirliyi İranın endirdiyi zərbə nəticəsində Məhərrəq əyalətində yerləşən yaşayış binasına ziyan dəydiyini təsdiqləyib.
İranın təcavüzü nəticəsində Məhərrəq əyalətində yaşayış binasına ziyan dəyib. Hadisə nəticəsində insan tələfatı qeydə alınmayıb.
Bu barədə nazirliyin "X" sosial şəbəkəsindəki rəsmi bəyanatında məlumat verilib. Bəyanatda aidiyyəti dövlət qurumlarının hadisə yerində zəruri tədbirləri və araşdırmanı davam etdirdiyi də qeyd olunur.
Bu hadisədən əvvəl, iyunun 27-də Bəhreyn hakimiyyəti İran Silahlı Qüvvələrinə məxsus pilotsuz uçuş aparatlarının ölkə ərazisinə hücum etdiyini bildirmişdi. Həmçinin bu gün İranın İslam İnqilabı Keşikçiləri Korpusu (SEPAH) Bəhreynin Salman limanında yerləşən ABŞ Hərbi Dəniz Qüvvələrinin Beşinci Donanmasının bazasına raket və PUA zərbələri endirdiyi barədə məlumat yayıb.
