Banqladeşdə denqe qızdırması ilə bağlı vəziyyət getdikcə ağırlaşır və səhiyyə sistemi artan xəstə axını səbəbindən ciddi təzyiq altındadır. 2026-cı ilin əvvəlindən ölkədə denqe xəstəliyi ilə əlaqədar 42 590 nəfər xəstəxanaya yerləşdirilib, 117 nəfər isə həyatını itirib.
Jnews.az xəbər verir ki, Banqladeş Səhiyyə Xidmətləri Baş Direktorluğunun məlumatına görə, son 24 saatda denqe xəstəliyindən 4 nəfər ölüb, daha 1 558 nəfər xəstəxanaya yerləşdirilib. Bu, 2026-cı ilin əvvəlindən bəri bir sutka ərzində qeydə alınan ən yüksək hospitalizasiya göstəricisidir.
Bununla son 24 saatda ölkə üzrə denqe xəstəliyindən ölənlərin ümumi sayı 117-yə, xəstəxanaya yerləşdirilənlərin sayı isə 42 590-a çatıb. Hazırda 2 995 denqe xəstəsi müxtəlif xəstəxanalarda müalicə olunur.
Mütəxəssislər sentyabr ayında vəziyyətin daha da ağırlaşa biləcəyi barədə xəbərdarlıq edirlər. Onların sözlərinə görə, əlverişli hava şəraiti denqeni yayan Aedes ağcaqanadlarının çoxalmasına şərait yaradır və xəstəliyin yayılması yaxın həftələrdə daha da arta bilər.
Mənbə: jpost.com
