Rusiya Prezidenti Vladimir Putin ABŞ Prezidentinin xüsusi elçisi Stiv Uitkoff və Donald Trampın kürəkəni Cared Kuşnerlə görüşüb. Danışıqlar təxminən 3 saat davam edib.
Jnews.az xəbər verir ki, Rusiya Prezidentinin köməkçisi Yuri Uşakovun sözlərinə görə, görüş yalnız Ukrayna məsələsi ilə məhdudlaşmayıb. Tərəflər mümkün irimiqyaslı Rusiya-Amerika layihələrini də müzakirə ediblər.
Putin daha əvvəl Uitkoff və Kuşnerlə təmasları faydalı adlandırıb.
ABŞ nümayəndələrinin sentyabrın 6-da Kiyevə səfər edəcəyi gözlənilir. Ukrayna Prezidenti Volodimir Zelenski isə ABŞ nümayəndələri ilə məzmunlu danışıqlara hazır olduqlarını bildirib. Görüşdə diplomatik proses və Ukrayna ilə bağlı məsələlərin müzakirə olunacağı gözlənilir.
Bu arada, Vladimir Putin Kiyevə zərbələrin dayandırılması ilə bağlı Moskvaya rəsmi kanallarla müraciət daxil olduğunu da açıqlayıb. O bildirib ki, gecə yarısından etibarən Kiyevə zərbə endirilməyib. Putin həmçinin Ukrayna tərəfinin hücumların sayını əhəmiyyətli dərəcədə azaltdığını deyib.
