İsrail polisi Yerusəlimdə terror aktı hazırlamaqda şübhəli bilinən iki şəxsi saxlayıb.
Polisin məlumatına görə, saxlanılan şəxslər şəhərdə yerləşən Şuafat qaçqın düşərgəsinin sakinləridir. Onların yaxın vaxtlarda Yerusəlimdə terror aktı törətməyi planlaşdırdıqları ehtimal olunur.
İsrail Polisinin mətbuat xidmətindən bildirilib ki, saxlanılan şəxslər araşdırmanın davam etdirilməsi üçün ölkənin Ümumi Təhlükəsizlik Xidmətinə (ŞABAK) təhvil verilib.
Hadisə ilə bağlı istintaq davam edir.