Ötən gecə Türkiyənin mərkəzində yerləşən Eskişehir şəhərindəki TUSAŞ müdafiə şirkətinin zavodunun ərazisində yanğın baş verib.
Yerli KİV-lərin məlumatına görə, yanğın istehsal sexlərindən birində başlayıb. Hadisə yerinə gələn yanğınsöndürmə xidmətləri bir neçə saat ərzində alovu lokallaşdıraraq nəzarət altına ala biliblər.
Yanğının başvermə səbəbi hələlik məlum deyil. Xəsarət alan olmayıb.
Türkiyə Müdafiə Sənayesi Komitəsinin sədri Haluk Görgünün sözlərinə görə, aidiyyəti qurumlar hadisə yerində soyutma işlərini və insidentin səbəblərinin texniki araşdırılmasını davam etdirirlər.