Yenilənib: Avqust 26, 2026 4:38 axşam
İsrail Müdafiə Qüvvələri (SAXAL) avqustun 25-də Qəzza zolağının şimalındakı Cəbaliyə bölgəsində HƏMAS tərəfindən istifadə edilən binaya zərbə endirib.
Jnews.az xəbər verir ki, İsrail ordusunun məlumatına görə, həmin bina silah-sursat anbarı və pusquların təşkil edildiyi məntəqə kimi istifadə olunub. Zərbə nəticəsində bir neçə HƏMAS silahlısının zərərsizləşdirildiyi bildirilib.
İsrail ordusunun açıqlamasına əsasən, sözügedən obyektdən İsrail hərbçilərinə qarşı hücumlar hazırlanıb və HƏMAS-ın döyüş qabiliyyətinin bərpasına cəhdlər göstərilib.
Məlumata görə, bina “sarı xətt”dən təxminən 50 metr məsafədə yerləşib və bu ərazidə fəaliyyət göstərən İsrail hərbçiləri üçün birbaşa təhlükə yaradıb.
İsrail ordusu obyektin mülki infrastruktura yaxın yerləşdiyini də vurğulayıb. Belə ki, bina “Kamal Advan” xəstəxanasından təxminən 70 metr, məktəbdən isə 170 metr məsafədə olub.
Mənbə: newsru.co.il
