Naxçıvan şəhərinin Əziz Əliyev küçəsində təcili tibbi yardım avtomobilinin iştirakı ilə yol-nəqliyyat hadisəsi baş verib.
Hərəkətdə olan “Mercedes” markalı ambulans ilə “Cherry” markalı minik avtomobilinin toqquşması nəticəsində təcili yardım maşını yoldan çıxaraq aşıb.
Qəza nəticəsində ümumilikdə 4 nəfər – təcili yardım avtomobilində olan 3 şəxs və “Cherry” markalı maşının sürücüsü müxtəlif dərəcəli bədən xəsarətləri alıb.
Yaralılar dərhal Naxçıvan Muxtar Respublika Xəstəxanasına yerləşdiriliblər.
Əraziyə hüquq-mühafizə orqanlarının əməkdaşları cəlb edilib. Hazırda qəzanın başvermə səbəbləri ilə bağlı polis tərəfindən araşdırma aparılır.