Kərki kəndi digər eksklav ərazilər kimi, Ermənistanın 29 743 kvadratkilometr ərazisi olan beynəlxalq səviyyədə tanınmış sərhədlərinə daxil deyil.
Jnews.az xəbər verir ki, bunu Ermənistanın baş naziri Nikol Paşinyan brifinq zamanı delimitasiya və ərazi mənsubiyyəti məsələlərini şərh edərkən bildirib.
Ermənistan hökumətinin başçısı müxalifətin Kərki kəndinin təhvil verilməsinin yolverilməzliyi ilə bağlı bəyanatlarını şərh edərək, daha əvvəl səsləndirdiyi mövqeyini təkrarlayıb.
“Hazırda heç bir razılaşma yoxdur. Mənim əsas vəzifəm gərginliyi azaltmaqdır ki, normal həll yollarına nail olunsun. Amma kimsə Kərkinin Ermənistanda olduğunu deyirsə, bu, ərazinin 29 743 kvadratkilometr deyil, məsələn, 29 750 kvadratkilometr olduğunu deməkdir və bu, müharibə elanıdır.”, – Paşinyan vurğulayıb.
Paşinyan qeyd edib ki, hazırda əsas işi normal həll yollarına nail olmaq üçün gərginliyi azaltmaqdır.
Mənbə: apa.az
