İsrail polisi Çinin BYD şirkətinin istehsalı olan elektromobillərin alışını davam etdirməmək qərarına gəlib. "Kalkalist" nəşrinin verdiyi məlumata görə, bu addımın əsas səbəbi informasiya təhlükəsizliyi ilə bağlı narahatlıqlar olub.
Əlavə alışların ləğv edilməsinə baxmayaraq, keçən il alınan onlarla BYD elektromobilinin polisin avtoparkında istismar olunmağa davam edəcəyi ehtimal edilir.
Beləliklə, İsrail Çin elektromobillərindən istifadə etməkdən imtina edən dövlət və müdafiə strukturlarının siyahısını genişləndirir. Cəmi bir həftə əvvəl böyük müdafiə konserni "Elbit Maaraxot" oxşar qərarı bu cür avtomobilləri parkından çıxarmaq barədə açıqlamışdı.
Daha əvvəl İsrail Müdafiə Ordusu (TXAL), Müdafiə Nazirliyi, eləcə də "Aviasiya Sənayesi" konserni də oxşar tədbirlər görmüş, Çin avtomobil istehsalçılarının məhsullarından imtina etmişdilər.
"Kalkalist"in məlumatına görə, İsrail Elektrik Şirkəti ("Hevrat Xaşmal") və İsrail Su Təchizatı Şirkəti ("Mekorot") rəhbərliyi də hazırda öz avtoparklarında Çin avtomobillərindən istifadə etməkdən imtina etmək imkanını nəzərdən keçirir.