Bu gün Biləcəri stansiyasından Böyük Kəsik istiqamətinə ümumilikdə 26 vaqondan ibarət yük göndərilib. Yükün tərkibinə 18 vaqonda daşınan 971 ton Aİ-92 markalı avtomobil benzini və 8 vaqonda daşınan 467 ton dizel yanacağı daxildir.
Məlumata görə, indiyədək Azərbaycandan Ermənistana ümumilikdə 14 min tondan çox dizel yanacağı, eləcə də 4 min tondan artıq Aİ-92 və Aİ-95 markalı avtomobil benzini ixrac edilib.
Bununla yanaşı, Rusiyadan Ermənistana Azərbaycan ərazisi vasitəsilə tranzit daşımaları da davam edir. İndiyədək bu marşrut üzrə 34 min tondan çox taxıl, 8 min tona yaxın gübrə, 133 ton alüminium, 68 ton qarabaşaq və 414 ton antrasit daşınıb.