Rusiya ordusunun Ukraynanın Odessa-Dnepr marşrutu üzrə hərəkət edən sərnişin qatarının lokomotivinə dronla zərbə endirdiyi bildirilir.
Ukrayna Dəmir Yollarının məlumatına görə, hücum reaktiv dronla həyata keçirilib. Hadisə nəticəsində qatar heyətinin üzvləri arasında itkilərin olduğu bildirilib.
Hücum zamanı qatarda 340 sərnişin olub. Məlumata görə, sərnişinlər və qatar heyətinin digər üzvləri təhlükəsiz şəkildə təxliyə edilib. Sərnişinlər arasında ölən və yaralananların olmadığı bildirilir.
Ukrayna dəmir yolu infrastrukturu son aylarda dəfələrlə dron hücumlarının hədəfinə çevrilib. Məsələn, iyulun 24-də Dnepropetrovsk vilayətində sərnişin qatarının lokomotivinə dron zərbəsi endirilmiş, qatar heyəti və sərnişinlər hücumdan əvvəl təxliyə edilmişdi.
