Türkmənistan Azərbaycandakı diplomatik nümayəndəliyi üçün yeni səfirlik binasının inşasını planlaşdırır.
Bu məqsədlə Türkmənistanın Tikinti və Memarlıq Nazirliyi Azərbaycan Respublikasındakı Türkmənistan səfirliyinin yeni inzibati binasının tikintisi üzrə beynəlxalq müsabiqə elan edib.
Məlumata görə, müsabiqədə iştirak etmək istəyən şirkət və təşkilatlar layihə təkliflərini Türkmənistanın Tikinti və Memarlıq Nazirliyinin Marketinq və xarici iqtisadi əlaqələr idarəsinə təqdim edə bilərlər.
Bildirilib ki, müraciətlərin qəbulu və qeydiyyatı 19 avqust 2026-cı il tarixinədək davam edəcək.
Yeni səfirlik binasının tikintisinin Bakıda Türkmənistanın diplomatik infrastrukturunun genişləndirilməsi istiqamətində atılan növbəti addım olacağı gözlənilir.