Bakının Binəqədi rayonunda, Beynəlxalq Avtovağzal Kompleksinin yaxınlığında yanacaqdaşıyan avtomobildə yanğın hadisəsi qeydə alınıb.
Fövqəladə Hallar Nazirliyinin (FHN) “112” qaynar xəttinə daxil olan məlumatdan dərhal sonra əraziyə Dövlət Yanğından Mühafizə Xidmətinin qüvvələri cəlb olunub.
Yanğınsöndürənlərin çevik müdaxiləsi nəticəsində 31 ton dizel yanacağı daşıyan “Mercedes” markalı avtomobilin yalnız kabinə hissəsindəki alov söndürülüb.
Yanğının çənə keçməsinin qarşısı alınıb və ciddi fəsadların yaranmasına imkan verilməyib. Hadisə zamanı xəsarət alan olmayıb.