Azərbaycan Respublikasının Prezidenti İlham Əliyev, birinci xanım Mehriban Əliyeva, Özbəkistan Respublikasının Prezidenti Şavkat Mirziyoyev, birinci xanım Ziroatxon Mirziyoyeva və ailə üzvləri Buxara şəhərindəki tarixi Ark qalasına baş çəkiblər.
Ark qalası eramızdan əvvəl IV əsrdə tikilmiş, onun müasir görünüşü isə əsasən XVII–XVIII əsrlərdə formalaşmışdır. XX əsrin əvvəllərində tikilidən Buxara hökmdarlarının qış iqamətgahı kimi istifadə olunmuşdur. Hazırda citadel 4 hektar ərazini əhatə edir. Kompleksin əhəmiyyətli hissəsi 1920-ci ildə dağıdılmışdır, 1947-ci ildən isə onun ərazisində Buxara Dövlət Muzey-Qoruğu fəaliyyət göstərir.
Mənbə: apa.az
