Azərbaycanın xarici işlər naziri Ceyhun Bayramov ilə Ukraynanın xarici işlər naziri Andriy Sıbiha arasında Kiyevdə keçirilən görüşdə ikitərəfli münasibətlərin inkişafı, regional təhlükəsizlik, dayanıqlı sülhün təmin olunması istiqamətində səylər, eləcə də iqtisadi və enerji sahələrində əməkdaşlıq məsələləri müzakirə olunub.
Tərəflər həmçinin Azərbaycanın Ukraynanın bərpasına verdiyi töhfələr və gələcək əməkdaşlıq perspektivləri ətrafında fikir mübadiləsi aparıblar.
Andriy Sıbiha müharibə başlayandan bəri göstərdiyi humanitar dəstəyə, xüsusilə enerji infrastrukturunun bərpası və yenidənqurma layihələrinə verdiyi töhfəyə görə Azərbaycana təşəkkür edib.
“Ukrayna Azərbaycanın suverenliyi və ərazi bütövlüyünə göstərdiyi ardıcıl dəstəyi yüksək qiymətləndirir və öz növbəsində Azərbaycanın suverenliyi və ərazi bütövlüyünü dəstəkləməyə sadiq qalır”, – deyə Sıbiha “X” sosial şəbəkəsindəki paylaşımında bildirib.
Ukrayna XİN başçısı, həmçinin Qara dənizdə baş vermiş hərbi əməliyyatlar zamanı Azərbaycan vətəndaşlarının həlak olması ilə əlaqədar başsağlığı verib.
