Azərbaycanlı futbolçu Rüfət Abdullazadə İsrailin Hapoel İroni Kiryat Şmona klubuna transfer olunub.
Transfer öncəsi futbolçuya viza Bakıdakı İsrail səfirliyində təqdim edilib. İsrailin Azərbaycandakı səfiri Ronen Krausz Rüfət Abdullazadə ilə görüşərək ona yeni komandasında uğurlar arzulayıb.
Səfir bildirib ki, İsrail və Azərbaycan arasında mövcud olan sıx əlaqələrin idman sahəsində də öz əksini tapması sevindirici haldır və bu cür əməkdaşlıq xalqlar arasında münasibətlərin daha da möhkəmlənməsinə töhfə verir.
Rüfət Abdullazadə yeni mövsümdən etibarən İsrail Premyer Liqasında çıxış edən “Hapoel İroni Kiryat Şmona” klubunun formasını geyinəcək.
