Ukraynanın paytaxtı Kiyev növbəti dəfə raket hücumu təhlükəsi ilə üzləşib. Belə ki, bir neçə dəqiqə əvvəl şəhərdə hava hücumu ilə bağlı həyəcan siqnalı verilib.
Ukraynanın monitorinq kanalları Kiyev istiqamətində ballistik raketlərin hərəkət etdiyini bildirib.
İlkin məlumatlara görə, Rusiyanın Kiyev istiqamətində “Sirkon” (“Zirkon”) hipersəs raketləri buraxdığı iddia olunur. Həmçinin, Bryansk vilayətindən əlavə raket buraxılışının qeydə alındığı bildirilir.
Təhlükə fonunda Kiyevin Borşaqivka və Julyanı rayonlarının sakinlərinə dərhal sığınacaqlara enmək çağırışı edilib.
Ukrayna Hərbi Hava Qüvvələri və yerli hakimiyyət orqanlarının hadisə ilə bağlı əlavə məlumat verməsi gözlənilir.