Türkiyədə siyasi gündəmi dəyişdirən hadisə baş verib. Cümhuriyyət Xalq Partiyasının (CHP) keçmiş sədri Özgür Özəl yeni yaradılan siyasi partiyanın (Yeni Partiya) təsis sənədlərini imzalayaraq CHP-dən istefa verdiyini açıqlayıb. Onunla birlikdə ümumilikdə 91 deputat da CHP-dən ayrılaraq Yeni Partiyanın Təsisçilər Şurasına qoşulub.
Özəl bildirib ki, Yeni Partiya deputat sayına görə Türkiyənin əsas müxalifət qüvvəsinə çevriləcək.
Özgür Özəl: Vətənimizə, millətimizə, partiyamıza və hamımıza xeyirli-uğurlu olsun.
Özgür Özəl daha sonra “X” sosial şəbəkəsindəki profilindən “CHP sədri” qeydini silib. O, həmçinin Mustafa Kamal Atatürkün “Kəndli millətin ağasıdır” sözlərinin yer aldığı paylaşımı edərək yeni siyasi mərhələyə dair simvolik mesaj verib.
