İordan çayının qərb sahilində, Havat-Gilad yaşayış məntəqəsinə aparan yolun yaxınlığında israilli turistlərə hücum edilib. Hadisə yerinə İsrail təhlükəsizlik qüvvələrinin gəlməsindən sonra insident silahlı qarşıdurmaya çevrilib.
İlkin məlumata görə, hücum edənlərdən biri yaşayış məntəqəsinin mühafizəçisinin silahını ələ keçirərək atəş açıb. Nəticədə bir nəfər yaralanıb və xəstəxanaya yerləşdirilib.
Daha sonra İsrail hərbçiləri ilə hücum edənlər arasında atışma baş verib. Təhlükəsizlik qüvvələri ərazidə əməliyyat aparır, hadisənin başvermə şəraiti və digər təfərrüatları araşdırılır.
İsrailin 12-ci telekanalının məlumatına görə, insidentlə bağlı araşdırma davam edir.