Yenilənib: Sentyabr 7, 2026 10:39 səhər
Ermənistanın Baş naziri Nikol Paşinyanın yaxın vaxtlarda Rusiyaya səfər etməsi gözlənilir.
Jnews.az xəbər verir ki, bunu Rusiya Prezidentinin mətbuat katibi Dmitri Peskov bildirib. Onun sözlərinə görə, Paşinyanın Rusiyaya səfəri bu il baş tutacaq.
Peskov səfərin yaxın vaxtlarda baş tuta biləcəyini, lakin dəqiq tarixlərin hələ müəyyən edilmədiyini qeyd edib.
Qeyd edək ki, Rusiya Prezidenti Vladimir Putin sentyabrın 1-də Bişkekdə keçirilən Şanxay Əməkdaşlıq Təşkilatının sammiti çərçivəsində Nikol Paşinyanla görüşüb.
Görüş zamanı Ermənistanın Avropa İttifaqına üzvlük istiqamətində atdığı addımlar və ölkənin Avrasiya İqtisadi İttifaqında (Aİİ) iştirakı məsələsi müzakirə olunub. Putin Ermənistanın Aİ-yə üzvlük prosesinin Aİİ-dəki üzvlüklə bağlı nəticələr doğura biləcəyini bildirib.
