Yenilənib: Avqust 31, 2026 12:47 axşam
Qazaxıstan Prezidenti Kasım-Jomart Tokayev Erlan Karinin ölkənin vitse-prezidenti vəzifəsinə namizədliyini irəli sürüb.
Jnews.az xəbər verir ki, bu barədə təklif avqustun 31-də yeni formalaşdırılmış Qurultayın ilk iclasında səsləndirilib.
Erlan Karin bundan əvvəl Qazaxıstan Prezidentinin dövlət müşaviri vəzifəsini tutub.
Qazaxıstan Konstitusiyasına əsasən, prezident könüllü şəkildə istefa verdikdə, səhhətinə görə vəzifələrini icra edə bilmədikdə, vəzifəsindən kənarlaşdırıldıqda və ya vəfat etdikdə dövlət başçısının səlahiyyətləri vitse-prezidentə keçir.
Vitse-prezidentin də prezidentin səlahiyyətlərini icra edə bilmədiyi halda ölkəyə rəhbərlik Qurultayın sədrinə keçir. Varislik sıralamasında növbəti şəxs isə baş nazirdir.
Qazaxıstan hökumətində kadr dəyişiklikləri
Bununla yanaşı, Kasım-Jomart Tokayev Olcas Bektenovun Qazaxıstanın baş naziri vəzifəsinə namizədliyini də irəli sürüb.
Bu qərar faktiki olaraq Bektenovun hazırkı vəzifəsini qoruması deməkdir. O, 6 fevral 2024-cü ildən Qazaxıstanın baş naziri vəzifəsini tutur.
