Ermənistanda Fransanın Milli Günü münasibətilə təşkil olunan tədbirdə qida zəhərlənməsi faktı qeydə alınıb.
Hadisə ilə əlaqədar Fransanın Ermənistandakı səfirliyi bəyanat yayaraq qonaqlardan üzr istəyib. Səfirlik baş verən insidentlə bağlı təəssüfünü ifadə edib və vəziyyətin araşdırıldığını bildirib.
Məlumata görə, tədbirdə təqdim olunan qidalardan zəhərləndiyi ehtimal edilən bir neçə nəfər tibbi yardım üçün xəstəxanalara müraciət edib.
Hadisənin səbəblərinin müəyyənləşdirilməsi istiqamətində araşdırmalar davam edir.