Moskvada Azərbaycanın xarici işlər naziri Ceyhun Bayramov və Rusiyanın xarici işlər naziri Sergey Lavrov arasında danışıqlara start verilib.
Əvvəlcə nazirlərin təkbətək görüşəcəyi, daha sonra isə hər iki ölkənin nümayəndə heyətlərinin iştirakı ilə geniş tərkibli danışıqların aparılacağı bildirilib.
Tərəflərin Azərbaycan-Rusiya münasibətlərinin vəziyyətini, həmçinin regional məsələləri və gündəmdə olan aktual mövzuları müzakirə edəcəyi gözlənilir.
Danışıqların yekununda nazirlərin birgə mətbuat konfransı keçirəcəyi planlaşdırılır.