Elm və Təhsil Nazirliyi “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” çərçivəsində 2026–2027-ci tədris ili üzrə qəbulun nəticələrini açıqlayıb.
Müsabiqənin yekunlarına əsasən, namizədlər müvafiq meyarlara cavab verərək proqram iştirakçısı adını qazanıblar. Ümumilikdə 500 nəfər xaricdə təhsil almaq hüququ əldə edib. Onların 125-i bakalavriat, 353-ü magistratura, 22-si isə doktorantura səviyyəsində təhsil alacaq.
Tələbələrin təhsil alacağı dünyanın ən nüfuzlu universitetləri
Nazirliyin məlumatında bildirilir ki, Dövlət Proqramı çərçivəsində seçilən 500 nəfərdən 155-i dünyanın ən nüfuzlu 10 universiteti sırasında yer alan ali təhsil müəssisələrinə qəbul olub.
Bu təhsil müəssisələrinin sırasına "Stanford University", "Massachusetts Institute of Technology", "National University of Singapore", "University of Oxford", "University of California, Berkeley", "ETH Zurich", "Harvard University" və "Yale University" kimi nüfuzlu universitetlər daxildir.
Təqaüd qazanan şəxslərin tam siyahısı Elm və Təhsil Nazirliyinin saytında dərc olunub.