ABŞ Prezidenti Donald Tramp kommunizmin ölkəsi üçün əsas təhlükə olduğunu bildirib. O, bununla bağlı yazını “Truth Social” sosial şəbəkəsində paylaşıb.
Amerika liderinin sözlərinə görə, kommunizm hər iki dünya müharibəsindən, Yapon ordusunun Pörl-Harbora zərbəsindən və 2001-ci il sentyabrın 11-də Nyu-Yorkdakı terror aktından bəri ABŞ üçün «ən böyük təhlükə»dir.
Ötən il noyabrda Nyu-York meri seçkilərində demokratik sosialist Zöhran Mamdaninin qələbəsi fonunda Tramp ABŞ-də “kommunizmin qurulmasına” yol verməyəcəyini vəd edib.
“Mən prezident olduğum müddətcə ABŞ heç bir formada kommunist ölkəyə çevrilməyəcək. Biz bunun qarşısını alacağıq.”
Tramp həmçinin “kommunist” mer dövründə nyu-yorkluların şəhəri tərk edəcəyini iddia edib və Mamdanini deportasiya etməklə hədələyib.