Livan ordusu İsraillə imzalanmış çərçivə sazişinin icrası çərçivəsində ölkənin cənubunda yerləşən Zavtar əl-Qərbiyə kəndinə daxil olub.
“Al Jazeera” xəbər verir ki, hərbi bölmələr kənd ərazisində minalardan təmizləmə əməliyyatlarına başlayıb. Bununla əlaqədar Livan ordusu vətəndaşları təhlükəsizlik vəziyyəti tam sabitləşənədək həmin əraziyə səfər etməməyə çağırıb.
Məlumata görə, Zavtar əl-Qərbiyə İsrail qoşunlarının çıxarılacağı və onların yerinə Livan ordusunun yerləşdiriləcəyi ilk altı “pilot zona”dan biri seçilib.
Bu proses ABŞ-ın vasitəçiliyi ilə İsrail və Livan arasında əldə olunmuş razılaşmanın mərhələli şəkildə həyata keçirilməsi çərçivəsində icra olunur.