Suren Papikyan yenidən Ermənistanın müdafiə naziri təyin ediləcək, Arpine Sarqsyan isə daxili işlər naziri postunu qoruyacaq.
Ermənistan KİV-lərinin məlumatına görə, bu qərarı ölkənin Baş naziri Nikol Paşinyan "Mülki müqavilə" partiyasının idarə heyətinin iclasının yekunlarına dair brifinqdə açıqlayıb.
Hökumət başçısının qeyd etdiyinə görə, məmurlar öz nazir vəzifələrini tutmağa davam edəcəklər və yaxın vaxtlarda onlarla bağlı kadr dəyişikliyi planlaşdırılmır. Suren Papikyan 15 noyabr 2021-ci ildən Müdafiə Nazirliyinə rəhbərlik edir, Arpine Sarqsyan isə 20 noyabr 2024-cü ildən DİN rəhbəri vəzifəsini tutur.
Paşinyan həmçinin bildirib ki, Lilit Makunts Baş nazir aparatının rəhbəri təyin ediləcək. O, 29 avqust 2025-ci ildən Baş nazirin baş məsləhətçisi vəzifəsini tutub, 2021-2025-ci illərdə isə Ermənistanın ABŞ-dakı səfiri kimi fəaliyyət göstərib.
Mənbə: report.az
