Yenilənib: Avqust 14, 2026 2:05 axşam
İsrailin müdafiə naziri İsrael Kats İordan çayının Qərb sahilində mülki hüquq-mühafizə və ictimai asayişin təmin edilməsi funksiyalarının İsrail Müdafiə Qüvvələrindən (SAXAL) polisə verilməsi ilə bağlı plan hazırlanmasını tapşırıb.
Katsın sözlərinə görə, hazırlanan plan Qərb sahilində yaşayan İsrail vətəndaşlarına münasibətdə mülki hüquq-mühafizə və ictimai asayişin qorunması üzrə məsuliyyətin ordudan polisə ötürülməsini nəzərdə tutmalıdır.
İsrail müdafiə nazirinin bu tapşırığı Qusra kəndi ərazisində baş vermiş son iğtişaşlar fonunda verdiyi bildirilir.
Qeyd edək ki, Qusra kəndində son günlər İsrail məskunlarının fələstinli ailələrin evlərini mühasirəyə alması və onların hərəkətinə mane olması fonunda gərginlik yaşanıb. Avqustun 12-də SAXAL ilə məskunlar arasında toqquşma baş verib və hadisədən sonra əraziyə əlavə hərbi qüvvələr göndərilib.
Mənbə: jpost.com
