ABŞ Müdafiə Nazirliyi İordaniyadakı Muvaffaq Salti Hərbi Hava Bazasına İranın hücumu nəticəsində həlak olduğu ehtimal edilən üçüncü amerikalı hərbçinin kimliyini açıqlayıb.
Rəsmilər bildiriblər ki, söhbət iyulun 17-də baş vermiş hücumdan sonra itkin düşmüş hesab edilən 28 yaşlı serjant Ancel Rampersaddan gedir.
O, Almaniyanın Ansbax şəhərində yerləşən ABŞ Ordusunun 10-cu Hava və Raketdən Müdafiə Komandanlığının 52-ci Hava Hücumundan Müdafiə Briqadasının 1-ci Batalyonunun, 57-ci Hava Hücumundan Müdafiə Artilleriya Alayında xidmət edib. Rampersad 25U rabitə əməliyyatlarına dəstək üzrə mütəxəssis vəzifəsində çalışıb.
ABŞ Müdafiə Nazirliyinin bəyanatında deyilir: “Onun ailəsinə və bu təsəvvürəgəlməz itki ilə üzləşən hər kəsə ən dərin və səmimi başsağlığımızı bildiririk.”
